小一數學題　家長斥刁鑽 校方稱屬鼓勵性質非功課

58,420

349
適中字型 較大字型

【本報訊】天主教聖安德肋小學一份數學科工作紙在網上瘋傳，被批題目太深，不適合小一、小二學生。校方回應指，題目只是數學科的趣味活動，不是功課或考核，「冇交返嚟都冇所謂」。該校家長則指題目刁鑽，超出小學生水平，又稱「咁份嘢唔使交就不如唔好畀呢份功課啦」。
記者：葉偉東

這條網上瘋傳的數學問題出自位於將軍澳的天主教聖安德肋小學，是小一至小二年級的習作。題目列出一條算式，以11個英文字母取代數字，要求學生解答各字母分別代表甚麼數字。有家長把題目放上網，引起全城熱議。

■港學童的功課壓力備受關注。資料圖片

校方：冇交都冇所謂

有網民說：「挑戰題嘅目的係想小朋友有解難嘅習慣，但一條連大人都要諗餐飽先答到嘅挑戰題，到底係咪適合？到底有冇咁嘅作用？」
聖安德肋小學數學科主任丘敏芝確認，該瘋傳的數學題該校屬小一、小二年級組別習作，內容與「10的組合和11的組合」有關。對於數學題被批評程度太深，丘敏芝解釋，題目只是數學科的趣味數學活動，稱程度太深只是誤會。她續指此數學活動每年大概進行5次，每次一題，用作提升學生學習興趣，「唔係考試形式，唔係工作紙，唔係功課」。
丘稱題目為趣味數學問題，屬鼓勵性質，冀學生多思考，應用學過的數學概念解答高階問題，又強調此問題非考核，「平時功課、作業、補充都唔係類似呢啲題目」。她認為題目不會對學生造成壓力，「小朋友做得啱嘅，或者同家長商量咗答案，都會畀個貼紙佢做獎勵，冇交番都冇所謂」，直言沒想過會引起迴響。
該校家長Tony接受訪問則指，就讀小二的兒子亦收到該份功課，直言「仔仔唔識做」，最後由他完成習作。Tony質疑該條數學題超出小二學生程度，並形容題目刁鑽，「如果個小朋友可以做得到呢條題目，其實都可以入中學啦；我自己覺得有啲over咗個小朋友嘅要求。」

家長質疑挑戰題成效

Tony又表示不理解為何要「兜一個圈去學減數」，認為數學老師最終只會依書直說，難以用創意教學引導學生思考題型，質疑挑戰題的成效。Tony說：「份嘢唔使交咁就不如唔好畀呢份功課。」他認為學校連功課是否需要完成、遞交也模糊不清，叫學生及家長難以適應，「做佢又唔識做，唔做又驚俾學校話冇紀律」。
網絡亦流傳另一條中華基督教會基灣小學的高難度數學題，校方卻對查詢不作回應。